اسلام آباد (آئی این پی) محکمہ موسمیات نے کہا کہ آئندہ 24گھنٹوں میں ملک کے بیشتر علاقوں میں موسم سرد اور خشک رہیگا۔ پنجاب کے میدانی علاقوں اور بالائی سندھ میں صبح اور رات کے اوقات میں شدید دھند کا امکان ہے۔ آئندہ 48گھنٹوں میں ملک کے بیشتر علاقوں میں موسم سرد اور خشک رہیگا۔ پنجاب کے میدانی علاقوں اور بالائی سندھ میں صبح اور رات کے اوقات میں شدید دھند کا امکان ہے۔ گزشتہ 24 گھنٹوں میں ملک کے بیشتر علاقوں میں موسم سرد اور خشک رہا جبکہ پنجاب کے میدانی اور بالائی سندھ کے علاقے شدید دھند کی لپیٹ میں رہے۔ سکردو ، گوپس منفی07، قلات منفی06، استور ، ہنزہ منفی05، کوئٹہ ، دیر، کالام منفی 04، گلگت ،بگروٹ منفی 03، لوئیر دیر راولاکوٹ منفی 02، مالم جبہ میں درجہ حرارت منفی 01 ڈگری سینٹی گریڈ ریکارڈ کیا گیا۔
جبکہ محکمہ موسمیات نے پیشن گوئی کی ہے کہ دسمبر کے بعد اگلا مہینہ جنوری میں بھی موسم سرد اور خشک رہے گا۔ میڈیا رپورٹس میں بتایا گیا ہے کہ اتوار کے روز اس سیزن کا انتہائی سرد ترین دن تھا اور محکمہ موسمیات کے مطابق راولپنڈی میں درجہ حرارت3ڈگری اور اسلام آباد میں درجہ حرارت2ڈگری سنٹی گریڈ تک گر گیا۔ جڑواں شہروں میں درجہ حرارت عموماً منفی ایک ڈگری سنٹی گریڈ تک گر جاتا ہے تاہم اس سال سب سے کم درجہ حرارت 2ڈگری سنٹی گریڈ تھا۔ اگر خشک موسم جاری رہا تو اس سیزن کی گندم فصل بھی متاثر ہو گی۔ سبزیاں بھی متاثر ہو سکتی ہیں ا ور بارانی علاقوں میں فصلوں کے لئے پانی ضروری ہوتا ہے۔