جمعرات‬‮ ، 03 اپریل‬‮ 2025 

علامہ اقبالؒ کی تعلیمات اور افکار پر عمل پیرا ہو کر آزادنہ، منصفانہ اور عادلانہ معاشی و سماجی نظام قائم کرنا وقت کی ضرورت ہے، شہبازشریف

datetime 9  ‬‮نومبر‬‮  2016
ہمارا واٹس ایپ چینل جوائن کریں

لاہور(پ ۔ر) وزیراعلیٰ پنجاب محمد شہبازشریف نے کہا ہے کہ علامہ اقبالؒ ایک عظیم دانشور تھے جن کی تعلیمات اور نظریات آج بھی ہماری رہنمائی کرتے ہیں۔وہ ایک ایسے عظیم فلسفی شاعر اور مفکر تھے جنہوں نے اپنی شاعری اور افکار کے ذریعے برصغیر پاک و ہند کے مسلمانوں کو خواب غفلت سے بیدار کیا اور مسلمانوں میں ایک نیا ولولہ، جوش وجذبہ پیدا کیا۔ علامہ اقبالؒ نے اپنی فکرانگیز شاعری کے ذریعے خودداری، اعلیٰ اقدار، انصاف پسندی، صاف گوئی اور جمہوریت کا درس دیا اور علامہ اقبالؒ نوجوانوں کے لئے ذہنی مصلح اور ایک رہبر کی حیثیت رکھتے ہیں اور علامہ اقبالؒ کی تعلیمات اور افکار پر عمل پیرا ہو کر آزادنہ، منصفانہ اور عادلانہ معاشی و سماجی نظام قائم کرنا وقت کی ضرورت ہے ۔9نومبر عظیم سوچ رکھنے والے مفکر علامہ ڈاکٹر محمد اقبالؒ کی تعلیمات اور فلسفے کو یاد کرنے کا دن ہے۔

وزیر اعلیٰ پنجاب محمد شہبازشریف نے شاعر مشرق علامہ محمد اقبالؒ کے 139 ویں یوم پیدائش کے موقع پراپنے پیغام میں کہا کہ علامہ محمد اقبالؒ کی شاعری نوجوان نسل کیلئے نسخہ کیمیا کی حیثیت رکھتی ہے۔علامہ اقبالؒ اسلام کے آفاقی پیغام کے علمبردار ہیں جو ہر زمانے کیلئے زندہ و پائندہ ہے اور اقبالؒ نے اپنی شاعری اور افکار کے ذریعے نئی نسل میں انقلابی روح پھونکی اور دین اسلام کی شان و شوکت اور عظمت کو شاندار طریقے سے اجاگر کیا۔ وزیراعلیٰ نے کہا کہ علامہ اقبالؒ کے تصور پاکستان کو سمجھنے کی جتنی اشد ضرورت آج ہے پہلے کبھی نہ تھی۔ انہو ں نے کہا کہ پاکستان کا بطور ایک آزاد،اعتدال پسند ، جمہوری اور فلاحی ریاست کا قیام اقبالؒ کے نظریات کا مرہون منت ہے اور وہ عدل و انصاف، جذبہ ایمانی، خود داری اور انسان دوستی کو مسلمانوں کی ترقی کا ضامن سمجھتے تھے اور اقبالؒ کے فکر اور فلسفہ کی سچی تعبیر سے ہی پاکستان سیاسی، معاشی، مذہبی اور معاشرتی لحاظ سے دنیا میں ممتاز مقام حاصل کرے گا۔ انہو ں نے کہا کہ آج کے دن ہمیں بحیثیت قوم علامہ اقبالؒ کے افکار کو مشعل راہ بنانے کے عزم کا اعادہ کرنا ہے اور ہمیں یوم اقبالؒ کے موقع پر ان کی تعلیمات اور افکار پر حقیقی معنوں میں عمل پیرا ہونے اور ملک کو بانیان پاکستان کے تصورات کے مطابق ڈھالنے کیلئے بھرپور جدوجہد کے عزم کا بھی اعادہ کرنا ہوگا۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



جنرل عاصم منیر کی ہارڈ سٹیٹ


میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…