اسلام آباد(مانیٹرنگ ڈیسک) اسلام آبادلاہورموٹروے چکری انٹرچینج کوخاردارتار اورکنیٹینرزلگاکربندکردیاگیاہے جبکہ پاک فوج کے کمانڈوز،موٹرے وے پولیس اورپنجاب پولیس کے دستے تعینات کردیئے گئے ہیں ۔تفصیلات کے مطابق تحریک انصاف کے دھرنے اوراسلام آبادلاک ڈائون کی کال سے بچنے کےلئے پیرکی شب اسلام آباداورلاہورموٹروے کے ایم ٹوسیکشن چکری کے مقام پربند کردی گئی ہے
جبکہ پاک فوج ،موٹروے پولیس اورپنجاب پولیس کے کمانڈوزنے چکری انٹرچینج پررکاوٹیں کھڑی کردی ہیں ۔جبکہ ٹریفک کارخ چکری انٹرچینج سے چکری گائون کی طرف موڑ دیاگیاہے اسی طرح لاہورجانے والی گاڑیوں کوواپس راولپنڈی کی طرف موڑدیاگیاہے اس دوران متعدد ایمبولینسیں بھی موٹروے پرآنے سے روک دی گئ ہیں جس کی وجہ سے چکری انٹرچینج اوراسلام آبادٹرن کے پاس گاڑیوں کی لمبی قطاریں لگ گئی ہیں جبکہ مسافروں کوسخت پریشانی کاسامناہے اوردرجنوں مسافرچکری انٹرچینج پرہی اترگئے ہیں دوسری طرف جی ٹی روڈپربھی رکاوٹیں کھڑی کرد ی گئی ہیں ۔
