ٹنڈواللہ یار(مانیٹرنگ ڈیسک) مقبوضہ کشمیرمیں اڑی حملے کے بعد مودی اوربھارتی فوج کی طرف سے پاکستان پرممکنہ دھمکیوں  کےخلاف پاکستان میں ہندوربرادری بھی میدان میں آگئی ۔سندھ میں ہندو بھیل برادری کے نو منتخب صدر ڈاکٹر گلاب رائے کا کہنا ہے کہ پاکستان میں تمام مذاہب کو مکمل تحفظ حاصل ہے جو بھی اس کی طرف جو بھی میلی آنکھ سے دیکھے گا ہم اُس کی آنکھیں نکال دیں گے۔تفصیلات کے مطابق ٹنڈواللہ یار میں ہندو بھیل برادری نے آل پاکستان کے نو منتخب صدر اور اراکین و ممبران کے ہمراہ مودی سرکار کی جارہیت کے خلاف احتجاجی مظاہری کیا گیا، مظاہرین سے خطاب کرتے ہوئے نو منتخب صدر نے کہا کہ ’’پاکستان پر بری نظر ڈالنے والے کی آنکھیں نکال دیں گے اور اگر ملک کی طرف غلط ارادوں سے انگلی اٹھائی گئی تو وہ بازو جڑ سے کاٹ دیں گے‘‘۔بھیل برادری کی جانب سے آل پاکستان کنونشن کا اہتمام کیا گیا جس کے بعد ہندو برادری کی جانب سے مودی حکومت کی جارہیت اور پاکستان پر بے بنیاد الزامات کے حوالے سے احتجاجی مظاہرہ کیا گیا۔اس موقع پر بھیل برادری کے مرکزی صدر ڈاکٹر گلاب رائے بھیل نے میڈیا سے بات چیت کرتے ہوئے کہا کہ ’’پاکستان میں تمام اقلیتوں کو مکمل تحفظ حاصل ہے، ہمیں فخر ہے کہ ہم پاکستانی ہیں‘‘۔انہوں نے مودی اور بھارتی حکومت کو مخاطب کرتے ہوئے کہا کہ ’’انڈیا کی جانب سے جو دھمکیوں کا سلسلہ شروع کیا گیا ہے یہ سب بے کار ہیں، اگر پاک سرزمین کی طرف ایک قدم بھی بڑھایا گیا تو پاکستان کی ہندو برادری پاک فوج کے ساتھ مل کر وطن کا دفاع کریں گے اور اپنے سروں پر کفن باندھ کر اس ملک کی حفاظت کریں گے‘‘۔انہوں نے کہاکہ ہم جوکچھ بھی ہیں وہ پاکستان کی وجہ سے ہیں ہمیں یہاں بھارت کی طرح ذات پات کاسامنانہیں کرناپڑتاہے جبکہ ہمیں آئین کے مطابق دیئے گئے تمام حقوق حاصل ہیں ۔