لاہو ر(این این آئی ) پاکستان پیپلزپارٹی کے مرکزی رہنما و قائد حزب اختلاف سید خورشید شاہ نے کہا ہے کہ حکومت ٹس سے مس نہیں ہو رہی، پاکستان پیپلزپارٹی نے ٹی او آرز کے معاملے پر سڑکو ں پر آنے کا فیصلہ کر لیا ہے، اگر میں وزیر اعظم ہوتا تو مودی کو بیان دینے کی جرات تک نہ ہوتی۔ ایک نجی ٹی وی کو انٹرویو کے دوران انہوں نے کہا کہ اپو زیشن او رحکومت کے درمیان ٹی او آرز کے معاملے پر اب کو ئی بات کر نے کو باقی نہیں بچی ، ڈیڈ لا ک ختم نہیں ہوا ،پاکستان پیپلزپارٹی نے ٹی او آرز کے معاملے پر سڑکو ں پر آنے کا فیصلہ کر لیا ہے کیونکہ حکومت ٹس سے مس نہیں ہو رہی لیکن اگر حکومت اپنے رویے میں لچک پیدا کر ے تو بات ہو سکتی ہے لیکن کوئی بڑی پیش رفت ممکن نہیں ۔ہم ستمبر سے جلسے بھی کریں گے ریلیاں بھی نکالیں گے ۔ انہوں نے کہا کہ پیپلز پارٹی کو ہمیشہ فرینڈلی اپوزیشن کے طعنے دئیے جاتے ہیں،لیکن اسمبلی میں میری ہمیشہ پو ری کو شش رہی ہے کہ ہر قومی مسئلے پر بھرپور آواز اٹھائی جائے لیکن میں نے کبھی کسی کا گریبان نہیں پکڑا۔ انہوں نے کہا کہ مو د ی پاکستان کے خلاف اتنا جارحانہ رویہ اسی لیے اختیار کر رہا ہے کیونکہ وہ ہماری کمزوریوں سے فائدہ اٹھا رہا ہے ،اگر میں وزیر اعظم ہوتا تو مودی کو بیان دینے کی جرات تک نہ ہوتی۔ ایک سوال کے جواب میں انہوں نے کہا کہ میرا خیال ہے کہ آرمی چیف توسیع نہیں لیں گے ۔ایک سوال کے جواب میں انہوں نے کہا کہ پاکستان تحریک انصاف کے ساتھ مشترکہ جلسوں کا امکان مسترد نہیں کیا جاسکتا۔