بولان (این این آئی)ضمنی الیکشن حلقہ این اے267کچھی کم جھل مگسی16امیدواروں کی حتمی لسٹ جاری کردی گئی سیاسی اور آزاد امیدواروں کو انتخابی نشانات بھی الاٹ کر دیئے گئے۔پی ٹی آئی کے سرداریار محمد رند کا انتخابی نشان بلا جبکہ پی ایم ایل این کے نوابزادہ خالد مگسی کا انتخابی نشان شیر ہوگا۔اصل مقابلہ بھی مذکورہ امیدواروں کے درمیان ہوگا۔تفصیلات کے مطابق ضمنی الیکشن حلقہ این اے267کے سلسلے میں ریٹرنگ آفیسر این اے 267کچھی کم جھل مگسی محمد احسن نے 16امیدواروں کی حتمی لسٹ جاری کر دی جنہیں انتخابی نشانات بھی الاٹ کر دیئے گئے ہیں۔سیاسی اور آزاد امیدواروں میں پاکستان تحریک انصاف کے امیدواردارسردار یار محمد رند کو بلا،پاکستان مسلم لیگ (ن)کے نوابزادہ خالد حسین مگسی کو شیر،نیشنل پارٹی کے سردارزادہ میر حسین احمد بنگلزئی کو آری،جمیعت علماء اسلام (ف)سید ارشد الدین شاہ کتاب ،آزاد امیدواروں میں خادم حسین بنگلانی کو بیل،میر غلام مرتضیٰ جاموٹ کو ہرن،وڈیرہ شہباز خان سمالانی اور دیگر کے نام شامل ہیں تاہم اصل،کانٹے دار مقابلہ دو روایتی حریف پاکستان تحریک انصاف کے نامزد امیدوار سردار یار محمد رند اور پاکستان مسلم لیگ (ن) کے امیدوار نوابزادہ میر خالد حسین مگسی کے درمیان ہوگا اب دیکھنا یہ ہے کہ اٹھائیس اپریل کو جیت کا تاج کو اپنے سر پر لیگا یہ تو آنے والا وقت ہی بتائے گا۔