اسلام آباد(نیوز ڈیسک )سپریم کورٹ آف پاکستان نے ہائی کورٹ کے فیصلے کے خلاف ممتاز قادری کی اپیل سماعت کے لئے منظور کرلی۔ جمعرات کو جسٹس آصف سعید کھوسہ کی سربراہی میں سپریم کورٹ کے 3 رکنی بنچ نے ممتاز قادری کی درخواست کی سماعت کی۔ سماعت کے دوران ممتاز قادری کے وکیل نے موقف اختیار کیا کہ ممتاز قادری کی سلمان تاثیر سے ذاتی دشمنی نہ تھی اس نے توہین رسالت کے باعث سلمان تاثیر کو قتل کیا۔سماعت کے دوران جسٹس آصف سعید کھوسہ نے کہا کہ ممتاز قادری سلمان تا ثیر کی حفاظت پر مامور تھا ‘ ہمیں فیصلہ آئین و قانون کے مطابق کرنا ہے، اگر کوئی ریاست کے قانون کی مخالفت کرتا ہے تو کیا ہم اسے توہین رسالت کہہ سکتے ہیں۔ جسٹس قاضی فائز عیسیٰ نے کہا کہ اگر کوئی جج آئین اور قانون کے مطابق فیصلہ نہ کرے تو وہ خیانت ہو گا، سلمان تاثیر نے کیا سوچ کر وہ بیان دیا تھا یہ کون جانتا ہے۔

مزید پڑھئے:انسانی زندگی کا سب سے بڑا راز اہرام مصر!

عدالت عظمیٰ نے فریقین کے دلائل سننے کے بعد ممتاز قادری اور وفاق کی اپیل سماعت کے لئے منظور کرلی کیس کی آئندہ سماعت اکتوبر میں ہوگی۔