اسلام آباد (این این آئی)بھارت کے خلاف میچ پر ترجمان (ن)لیگ مریم اورنگزیب نے قومی کرکٹ ٹیم کو ریلو کٹا کہنے کے وزیراعظم کے بیان پر شدید مذمت اور ردِ عمل کا اظہار کرتے ہوئے کہاہے کہ بھارت کے خلاف میچ پر پوری قوم اپنی ٹیم کو دعائیں دے رہی ہے، نالائق اعظم ریلو کٹا کہہ رہے ہیں۔ایک بیان میں انہوں نے کہاکہ اسی لئے کہتی ہوں سب سے پہلے عمران صاحب کے دماغی معائینے کا کمیشن بنانے کو ترجیح دی جائے۔ انہوں نے کہاکہ عمران صاحب ! اہم ترین میچ میں اترنے والی اپنی ٹیم کے حوصلے بڑھانے جائے جاتے
حوصلہ شکنی نہیں کی جاتی ہے ۔انہوں نے کہاکہ عمران صاحب پاکستان کرکٹ ٹیم کا ایک ایک کھلاڑی قوم کا فخر ہے انشااللہ جیت پاکستان ٹیم کی ہو گی ۔ انہوں نے کہاکہ عمران صاحب آپ کو کتنی دفعہ مفت مشورہ دیا ہے کہ آپ چْپ رہا کریں۔