واشنگٹن(این این آئی)امریکا کے ری پبلکن رکن کانگریس اسٹیو واٹکنز نے کہاہے کہ مقبوضہ جموں وکشمیر میں انسانی حقوق کی صورتحال پہلے ہی تشویشناک ہے، اب بھارت نے علاقے کو پی پی ای اور اہم سامان کی فراہمی بھی روک دی ہے۔

مقبوضہ کشمیر میں کورونا وبا کے دور میں کمیونی کیشن کا بلیک آوٹ ہے، میڈیا پر پابندیاں ہیں،انسانی حقوق کی خلاف ورزیاں کی جارہی ہیں، کورونا وبا مزید پھیلنے کا خدشہ بڑھ گیا ہے، اسپتال اورطبی مراکز کے پاس لوگوں کو بچانے کا کوئی موقع نہیں ہے، لوگوں کی جانیں ضائع ہورہی ہیں۔میڈیارپورٹس کے مطابق ایوان سے خطاب میںاسٹیو واٹکنز نے کہاکہ مقبوضہ کشمیر میں کورونا وبا کے دور میں کمیونی کیشن کا بلیک آوٹ ہے، میڈیا پر پابندیاں ہیں،انسانی حقوق کی خلاف ورزیاں کی جارہی ہیں، کورونا وبا مزید پھیلنے کا خدشہ بڑھ گیا ہے۔ایوان سے خطاب میں کانگریس مین اسٹیو واٹکنز نے عالمی برادری اور علاقے کے اہم کرداروں سے مطالبہ کیا کہ وہ مل کر کام کریں گے تاکہ مقبوضہ کشمیر کی عوام اس وبا کا مقابلہ کرسکیں۔ان کا مزید کہنا تھا کہ اسپتال اورطبی مراکز کے پاس لوگوں کو بچانے کا کوئی موقع نہیں ہے، لوگوں کی جانیں ضائع ہورہی ہیں۔