ابوظہبی (این این آئی)متحدہ عرب امارات کے ولی عہد الشیخ حمدان بن محمد بن راشد آل مکتوم نے کہا ہے کہ امارات میں صحت کی صورت حال قابو میں ہے۔عوامی بیداری پرہمیں مکمل اعتبار اور یقین ہے۔ اماراتی عوام کا مستقبل ہمیشہ اچھا اور خوشیوں سے بھرپور ہوگا۔عرب ٹی وی کے مطابق اماراتی ولی عہد نے سماجی رابطوں کی ویب سائٹ ٹویٹرپرپوسٹ کردہ ایک بیان میں کہا کہ میں نے دبئی میں
صحت سے متعلق صورت حال پرغور کے لیے اعلی سطحی اجلاس کی ویڈیو کے زریعے صدارت کی۔ صحت کے حکام کی طرف سے بتایا گیا کہ شہریوں میں کرونا وبا سے لڑنے کے لیے شعور مود ہے۔ان کا کہنا تھا کہ امارات میں کرونا کی وجہ سے پیدا ہونے والی صورت حال کنٹرول میں ہے۔دوسری جانبمتحدہ عرب امارات نے جمعرات کو کرونا وائرس سے مزید دو اموات اور 460 نئے کیسوں کی تصدیق کی ہے جس کے بعد ملک میں اس کے کل کیسوں کی تعداد 5825 ہوگئی ہے۔غیرملکی خبررساں ادارے کے مطابق وزارت صحت کی خاتون ترجمان نے کہاکہ یو اے ای کی وزارت صحت کے زیر اہتمام گذشتہ دو ایک روز میں 25 ہزار افراد کے کرونا وائرس کے ٹیسٹ کیے گئے ۔اس نے مزید بتایا کہ اس مہلک وبا کا شکار 61 افراد صحت یاب ہوگئے ہیں اور اب تک تن درست ہونے والے مریضوں کی تعداد 1095 ہوگئی ہے۔وزارت صحت کی خاتون ترجمان ڈاکٹر فریدہ الحسنی کا کہنا تھا کہ صحت یاب ہونے والے مریضوں نے احتیاطی تدابیر پر پوری طرح عمل درآمد کیا اور صحت مندانہ کردار اپنایا ، اچھی خوراک استعمال کی جس کی وجہ سے ان کا مدافعتی نظام مضبوط ہوا ہے۔اس کے ساتھ ساتھ انھوں نے سگریٹ نوشی ایسی بری عادات کو ترک کیا ۔انھوں نے لوگوں کو ہدایت کی کہ وہ اپنے گھروں میں گاہے گاہے اپنے جسمانی درجہ حرارت کو چیک کرتے رہیں اور جس کسی کا بھی درجہ حرارت زیادہ ہو،اس کو نزدیک ترین مرکزِصحت یا اسپتال جانا چاہیے یا گاڑی ٹیسٹ مرکز سے ٹیسٹ کرانا چاہئیں۔صحت کے معاملے میں کسی کو ہچکچاہٹ کا مظاہرہ نہیں کرنا چاہیے۔
