اسلام آباد (این این آئی) بھارت نے اقوام متحدہ کے سیکرٹری جنرل کی جنگ بندی کی ہدایات ہوا میں اڑا دیں،یو این سیکریٹری جنرل نے گزشتہ روز براہ راست بھارتی خلاف ورزیوں کا اپنے ٹوئٹ میں حوالہ دیا تھا،یو این سیکریٹری جنرل نے بھارت کے شہریوں کو جان بوجھ کر نشانہ بنانے پر بھی بات کی تھی،بھارت لاک ڈاون پر ناقص حکمت عملی کی بناء پر اندرونی تنقید سے توجہ ہٹانا چاہتا ہے،بھارت میں کورونا وباء کے کیسز میں تیزی سے
اضافہ ہوا ہے،بھارت میں 7600 کیسز اور 249 اموات سامنے آچکی ہیں،بھارت میں ناقص حکمت عملی کے نتیجے میں سڑکوں پر اموات ہوئیں،بھارت ایک بار پھر 27 فروری کی نام نہاد سرجکل اسٹرائیک کی طرح میڈیا پر گمراہ کن مہم چلا رہا ہے،بھارت مسلسل ایل او سی پر خواتین اور بچوں کو کلسٹر بموں کے ساتھ نشانہ بنا رہا ہے،مودی کے برسر اقتدار آنے کے بعد 5 سالوں میں سیز فائر کی خلاف ورزیوں میں تیزی سے اضافہ ہواہے۔
