لندن،واشنگٹن (آن لائن) امریکی حکومت کورونا وائرس سے متاثر ہوئی تو فور اسٹار جنرل کمانڈ سنبھالے گا۔برطانوی میڈیا نے دعویٰ کیا ہے کہ امریکی فوجی قیادت نے کورونا وبا کے پھیلنے پر متبادل انتظام کی منصوبہ بندی کرلی ہے اور اگر سیاسی قیادت کورونا وائرس کا شکار ہوئی تو مارشل لاءلگایا جاسکتا ہے۔

واضح رہے کہ دنیا بھر میں کورونا وائرس کی وبا تیزی سے پھیل رہی ہے جس سے تقریبا دنیا کے تمام ممالک ہی متاثر ہیں۔ دنیا بھر میں کورونا وائرس سے 14 ہزار 600 سے زائد اموات ہو چکی ہیں جبکہ اس وبا سے 3 لاکھ 30 ہزار سے زائد افراد متاثر ہیں۔دریں اثناامریکہ کی سابق قومی سلامتی مشیر سوسن رائس نے امریکی صدر ٹرمپ کی انتظامیہ پر الزام عائد کیا ہے کہ وہ کافی مرتبہ خبردار کرنے کے باوجود عالمی وبائی مرض کے مقابلے کے لئے مناسب تیاری کرنے میں ناکام رہی ہے۔اپنے ایک بیان میںسوزن رائس نے کہا کہ ان کی ٹیم نے ٹرمپ انتظامیہ کے عہدیداروں کو ممکنہ وباء￿ کے خطرے سے آگاہ کیا تھا۔انہوں نے کہا کہ ہم نے اوباما انتظامیہ کی قیادت میں گلوبل ہیلتھ سیفٹی اور بائیوڈیفینس آفس قائم کیا تھا۔اس دفتر کو دو سال قبل بند کردیا گیا۔ ٹرمپ انتظامیہ کا2018 میں اس دفتر کو بند کرنا موجودہ وبائی صورتحال سے نمٹنے میں موجودہ حکومت کی سست روی کی ایک وجہ قرار دیا جاسکتاہے۔