مونٹی کارلو(این این آئی) فرانس اور اٹلی کے درمیان واقع ایک چھوٹی جزیرہ نما خود مختار یورپی ریاست مونا کو کا شہزادہ البرٹ دوم کرونا وائرس کا شکار ہوگئے ۔میڈیارپورٹس کے مطابق مونا کو کے شاہی محل سے جاری ایک بیان میں کہا گیا کہ شہزادہ البرٹ دوم کے کرونا کے ٹیسٹ کی رپورٹ پازیٹو آئی ہے تاہم ان کی حالت خطرے سے باہر ہے۔ وہ حکومتی امور اپنی
نجی رہائش گاہ سے جاری رکھ سکتے ہیں۔ ان کی خرابی صحت سے کسی دوسرے فرد کو کوئی پریشانی لاحق ہونے کا اندیشہ نہیں۔موناکو پیلس کی جانب سے جاری بیان میں کہا گیا کہ شہزادے کا طبی معائنہ کیا گیا اور نتیجہ مثبت نکلا۔ایک بیان میں شہزادہ مونا نے ریاست کے عوام پر زور دیا کہ وہ کرونا سے بچنے کے لیے تنہائی کے اقدامات کا احترام کریں۔
