نئی دہلی(این این آئی)بھارت کے معروف صحافی و پروفیسر اشوک سوین نے نریندر مودی پر کڑی تنقید کرتے ہوئے کہا ہے کہ مودی نے پاکستان کو عالمی سطح پر تنہا کردیاہے۔میڈیارپورٹس کے مطابق سماجی رابطے کی ویب سائٹ ٹوئٹر پر اشوک سوین نے2020کے بہترین سیاحتی مقام کی فہرست کو ری ٹوئٹ کرتے ہوئے کمنٹ میں بھارتی وزیر اعظم پر تنقید کی۔سی این ٹریولر کی رپورٹ میں کہا گیا کہ پاکستان کے سر سبز میدانوں کے دامن میں پہاڑی سلسلے ہیں اور سیاحوں کو یہاں کا رخ ضرور کرنا چاہیے۔
رپورٹ میں مزید کہا گیا تھا کہ قدیم وادیاں، ویزے کی پابندیوں میں نرمی اور شاہی دورے سے اس ملک کو وہ توجہ مل رہی ہے جس کا یہ مستحق ہے۔اشوک سوین اس سے قبل بھی کئی بار پاکستان کی حمایت میں ٹوئٹ کر چکے ہیں۔کرتار پور راہداری پر بھی انہوں نے اپنا خوبصورت تجزیہ پیش کیا تھا اور لکھا تھا کہ کم از کم ایک قوم تو اپنے بانی کے فرمودات پر عمل کر رہی ہے۔اشوک کے اس ٹوئٹ سے بھارت میں ہلچل ہوئی تھی وہیں پاکستانیوں نے اپنا مثبت رد عمل دیا۔
