جرمنی میں لفظ إن شاء الله سرکاری طورپر تسلیم، معروف لغت میں بھی درج برلن(این این آئی)جرمنی کی معروف ترین لغت ڈیوڈین میں عربی لفظ إن شاء الله کو اب جرمن لفظ کے طور پر شامل کرلیا گیا۔اس لغت میں انشا اللہ کے معنی اگر اللہ نے چاہاکے طور پر درج کیے گئے ہیں۔میڈیارپورٹس کے مطابق لغت میں اس انشا اللہء کے ہجے NSCHALLAH کے طور پر لکھے گئے۔فی الحال اس لفظ کو صرف لغت کی ویب سائٹ پر درج کیا گیا ہے تاہم پرنٹ ورژن میں
کب تک درج کیا جائے گا اس حوالے سے کوئی تفصیلات سامنے نہیں آئیں۔لفظ إن شاء الله اہل اسلام کی جانب سے کثرت سے استعمال کیا جانے والا لفظ ہے جو کسی کام کے خیریت سے ہوجانے کی امید پر بطور دعا کہا جاتا ہے۔جرمنی میں تقریبا 5 لاکھ مسلمان ہیں اور یہ یورپ میں مسلمانوں کی دوسرے نمبر پر سب سے بڑی تعداد ہے۔واضح رہے کہ ڈیوڈین جرمنی کی مقبول ترین لغت ہے جو سال 1880 سے شائع ہورہی ہے اور اب اس کا 27ویں ورژن آرہا ہے۔
