واشنگٹن( آن لائن )امریکی محکمہ خارجہ نے کہا ہے کہ ایران کے خلاف جلد ہی نئی پابندیاں عاید کی جائیں گی۔ غیرملکی خبررسا ں ادارے کے مطابق ایک بیان میں ترجمان امریکی وزارت خارجہ کا کہناتھا کہ عراق سمیت جہاں بھی امریکی مفادات کوخطرہ لاحق ہوا تو امریکا وہاں پر

کارروائی کرے گا۔بیان کے مطابق امریکی صدر ڈونلڈ ٹرمپ نے بہت زیادہ صبرو تحمل سے کام لیا۔ہم اس وقت مشرق وسطی میں جاری تنازعات کے خاتمے کی کوشش کررہے ہیں۔امریکی محکمہ خارجہ کے معاون سیکریٹری ڈیوڈ شینکر نے کہاکہ عراق میں کتائب حزب اللہ ملیشیا کے اڈوں پر حملے ایران کے لیے ایک پیغام ہیں۔امریکی صدرڈونلڈ ٹرمپ کی انتظامیہ نے کئی ماہ کے ضبط وتحمل کے بعد یہ کارروائی کی ہے۔ڈیوڈ شینکرنے بھی یہ کہا کہ یہ فضائی حملے کرکوک میں گذشتہ جمعہ کو کتائب حزب اللہ کے عراقی فوج کے اڈے پر راکٹ حملے میں ایک امریکی شہری کی ہلاکت کے ردعمل میں کیے گئے ہیں۔انھوں نے کہاکہ ہمارا یہ خیال تھا کہ کسی اہم ہدف کو نشانہ بنایا جائیتاکہ انھیں واضح پیغام دیا جائے کہ ہم امریکی زندگیوں کو کیسے سنجیدہ لیتے ہیں۔یہ ایک ردعمل تھا اور میرے خیال میں یہ کئی طریقوں سے متناسب تھا۔