ریاض (این این آئی)سعودی عرب میں ٹیکسیوں کا رنگ اور کرائے کا نظام تبدیل کیا جا رہا ہے۔میڈیارپورٹس کے مطابق سعودی عرب کی پبلک ٹرانسپورٹ اتھارٹی نے بتایاکہ نئی ٹیکسیوں میں کرایہ کیش میں نہیں لیا جائے گا، نئے نظام کے مطابق ٹیکسی کرایہ موبائل ایپس یاکسی بھی مشینی ذرائع سے ادا کرنا ہوں گا۔پبلک ٹرانسپورٹ اتھارٹی کا کہنا تھا کہ پہلے مرحلے میں گرین ٹیکسیاں ہوائی اڈوں کے لیے مخصوص ہوں گی۔گرین ٹیکسی کِنگڈمز ایئر پورٹ

سے شروع کی جائے گی، اس سروس کے لیے ڈرائیورز کو خصوصی ٹریننگ دی جا رہی ہے۔پبلک ٹرانسپورٹ اتھارٹی کے نائب صدر فواز الشاہی کا کہنا تھا کہ اس سروس کے لیے دیگر پرائیویٹ ٹیکسیوں کے مالکان دلچسپی دکھا رہے ہیں جس کے ذریعے 10 ہزار ڈرائیورز مستفید ہوں گے۔فواز الشاہی کے مطابق ڈرائیورز کو 3 زبانوں عربی، انگریزی اور اردو میں ٹریننگ دی جا رہی ہے تاکہ زیادہ سے زیادہ ڈرائیورز اس سروس میں شامل ہو سکیں۔

موضوعات:سعودی عرب میں ٹیکسیوں کا رنگ اور کرائے کا نظام تبدیل