لاہور (آن لائن) 13جماعتی اتحاد تحفظ ختم نبوت الائنس،جے یوآئی ،جے یوپی،مسلم لیگ(علمائومشائخ ونگ)،جماعت اسلامی ،ورلڈپاسبان ختم نبوت،جمعیت اہلحدیث ،جمعیت اہلسنت ،تحریک ملّت جعفریہ ،خاکسارتحریک ،مصطفائی جسٹس مومنٹ ،مجلس احرار اسلام

اورچاروںمسالک علماء بورڈ نے بھارتی پارلیمنٹ میں پاس کردہ متنازعہ مسلم مخالف بل کو یکسرمسترد کردیا اورکہاہے کہ بھارت کے مسلمان تارکین وطن کی شہریت ختم کرنا عالمی قوانین کے منافی اورانصاف سراسرکاخون ہے جسے قطعی طورپر تسلیم نہیں کیاجاسکتا ۔نیزپاکستان بھرکی مساجدمیں اجتماعات جمعہ پر علماء وخطباء نے بھارت کے انصاف سوز غیرانسانی مسلم مخالف شہریت بل پر شدیداحتجاج کیا اورکہاکہ یہ بھارتی اقدام خودبھارت کی تباہی کاموجب بنے گا عالمی عدالت بھارت کیخلاف اس پرسخت نوٹس لے ورنہ بھارتی جنگی جنون علاقہ کی امن وسلامتی کیلئے خطرہ بن سکتاہے ۔مزیدبرآںورلڈپاسبان ختم نبوت کے مرکزی ناظم اعلیٰ علامہ محمدممتازاعوان نے بھارت کے مسلم مخالف شہریت بل کیخلاف ملک بھرمیں احتجاج اورمظاہروںکااعلان کیاہے ۔