جے پور(آن لائن) بھارت کی تاریخ کا سب سے بڑا بلنڈر سامنے آیا ہے، تفصیل کے مطابق بھارت کی ریاست جے پور میں موم سے بنے مجسموں کے عجائب گھر میں بھارتی ایٹمی سائنسدان ڈاکٹر عبدالکلام کے پیچھے پاکستان ہتھیاروں اور فوجی جوانوں کی تصاویر لگادی گئیں۔بھارت پہلے بھی مختلف تقریب اور میوزیم میں پاک فوج اور پاکستانی ہتھیاروں کی تصاویر استعمال کر چکا ہے۔
موم سے بنے مشہور قومی اور بین الاقوامی شخصیات کے مجسمے سے لیس میوزیم ہمیشہ پوری دنیا میں سیاحوں کے پسندیدہ مقامات میں سے ایک ہوتا ہے۔ جو آپ کو کسی قوم کی ثقافت اور رواج دیکھاتے ہیں۔جے پور موم میوزیم واحد موم میوزیم ہے جو نہر گڑھ قلعے کے ورثہ محل میں واقع ہے۔ تاہم دلچسپ بات یہ ہے کہ ڈاکٹر عبد الکلام کے موم کے مجسمے کے پیچھے پاکستانی جنگی ہتھیاروں کی تصاویر آویزاں کی گئیں۔کلام ایک مشہور سائنسدان اور ہندوستان کے 11 ویں صدر تھے۔ یاد رہے بھارتی پائلٹ ابھینندن کے ہیلمٹ کو پاک فضائیہ کے میوزم کا حصہ بنا دیا گیاتھا، پاکستان کی جانب سے بھارتی پائلٹ کی گھڑی، وردی اور طیارے کا ہیلمٹ اپنی تحویل میں رکھا گیا۔ پاکستان کی جانب سے گرفتاری کے بعد رہا کر دیے جانے والے بھارتی پائلٹ ابھینندن کے ہیلمٹ کو پاک فضائیہ کے میوزم کا حصہ بنا دیا گیا ہے۔جو کہ پاکستان کیلئے فتح کی نشانی اور بھارت کیلئے خوف کی نشانی ہے۔واضح رہے بھارتی پائلٹ کو پاکستان کی فضائی حدود میں گھسنے پر پاک فضائیہ کے طیارے نے 27 فروری کو مار گرایا تھا۔ تاہم بعد ازاں بھارتی پائلٹ ابھینندن کو گزشتہ جمعہ کے روز واہگہ بارڈر پر بھارتی حکام کے حوالے کیا گیا تھا۔ یاد رہے بھارتی پائلٹ اپنی وردی میں ملبوس تھا تاہم مقامی لوگوں کی جانب سے کیے جانے والے تشدد کے بعد جب طبی امداد دی گئی تووردی کا کچھ حصہ کاٹنا پڑا تھا۔
