سرینگر(آن لائن) مقبوضہ کشمیر میں بھارتی فوج کی ریاستی دہشت گردی کا سلسلہ تاحال جاری ہے، سخت کریک ڈان اور کرفیو 87ویں روز میں داخل ہوگیا۔تفصیلات کے مطابق مقبوضہ کشمیر میں مودی سرکاری نے نظام زندگی درہم برہم کررکھا ہے، جبکہ بھارتی فوج کی جانب سے جارحیت کا سلسلہ بھی جاری ہے۔ بھارتی فوج نے ضلع اسلام آباد میں کشمیری کو شہید کردیا، کشمیری نوجوان کو نام نہاد سرچ آپریشن کے دوران نشانہ بنایا گیا۔بھارتی فوج کی جانب سے اس طرح کے نام نہاد آپریشن روزانہ کی بنیاد پر کیے جاتے ہیں جس کا مقصد مظلوم کشمیریوں
کے دلوں سے آزادی کے جذبے کو نکالنا ہے۔مودی سرکاری کی جانب سے آرٹیکل 370 اے ختم کرنے کے بعد مقبوضہ کشمیر میں 87ویں روز بھی کرفیو جاری ہے، وادی میں سکول، کالجز اور تجارتی مراکز بھی بند پڑے ہیں۔مقبوضہ وادی میں بھارتی ظلم وجبر کا آج 87واں روز ہے، ذرائع نقل وحمل اور ہر طرح کے مواصلاتی رابطے منقطع ہیں، کشمیری گھروں میں محصور ہو کر رہ گئے ہیں۔مقبوضہ کشمیرمیں کرفیو اور لاک ڈان کے باعث ٹرانسپورٹ اور کاروباری سرگرمیاں معطل ہیں جبکہ تعلیمی ادارے بھی تاحال بند ہیں، بھارتی فوج نے گھروں سے نکلنے والے متعدد کشمیری نوجوانوں کو گرفتارکرلیا۔
