لندن (آن لائن)دنیا بھر میں کشمیر کاز کیلئے جتنا کام تارکین وطن کشمیری اور پاکستانی کررہے ہیں اسکی مثال کہیں نہیں ملتی، ہمیں یقین ہے کہ ہمارے بھائیوں اور مظلوم کشمیریوں کی قربانیاں و کاوشیں آزادی کا سورج جلد طلوع ہونے میں مدد دینگی۔ ان خیالا ت کا اظہار جمو ں و کشمیر سالوویشن موومنٹ کے صدر ممتاز حریت پسند مجاہد رہنما اور پاکستان کی معروف سیاسی و سماجی شخصیت الطاف احمد بٹ نے یہاں ویلتھم سٹو”waltham Stow”میں کشمیر کانفرنس سے خطاب کرتے ہوئے کیا۔
تقریب میں صدر آزاد کشمیر سردار مسعود احمد خان، پبلک اکاؤنٹس کمیٹی آزاد کشمیر کے چیئرمین عبدالرشید ترابی، تحریک کشمیر برطانیہ کے سربراہ راجہ فہیم کیانی بطور مہمان خصوصی شریک ہوئے جبکہ تقریب کی صدارت غلام ربانی افغانی نے کی اور سٹیچ سیکرٹری بیرسٹر عابد حسین تھے۔ تقریب کا انعقاد فیضان اسلا م برطانیہ نے کیا۔ الطاف احمد بٹ نے مزید کہا کہ مودی کی ذہنیت دنیا پر آشکار ہو چکی ہے۔ وہ اب بری طرح ایکسپوز ہورہا ہے، پاکستان میں سول سوسائٹی متحرک ہوچکی،ملین مارچ حکومت کو مجبوریوں سے آزاد کروائے گا،مودی سرینگر میں کاروبار چلا کر دنیا کی آنکھوں میں دھول جھونکنے چاہتا ہے کہ مقبوضہ وادی میں امن ہے حالانکہ وہاں پر کشمیری آرٹیکل 370اور 35اے کے خاتمے اور اپنی شناخت کیلئے بھارتی حکومت کیخلاف احتجاج کررہے ہیں۔ یہ حقیقت ہے کہ جس دن کرفیو اٹھا اس دن وہاں پر بھارتی فوج اور کشمیری نوجوانوں میں خونی ٹکرا وہوگا۔ چونکہ برطانیہ کی بات دنیا سکتی ہے لہذا برطانوی حکومت، اور شاہی خاندان کا اخلاقی فرض ہے کہ وہ اس تنازعہ میں اپنا کردار ادا کرے۔ الطاف احمد بٹ کا کہنا تھا کہ کئی سو ارب روپے کا پھل مقبوضہ وادی میں اس کرفیو کے باعث باغات میں ہی تبا ہ ہوگیا ہے۔ بھارتی سرکار کشمیریوں کو جانی اور مالی نقصان پہنچا کر انہیں تحریک آزادی سے دستبردار کروانا چاہتی ہے جو ممکن نہیں ہے۔تقریب میں برطانیہ ممبران پارلیمنٹ اور سول سوسائٹی کی بڑی تعداد موجود تھی۔
برطانوی پارلیمنٹ کی تاریخ میں پہلی مرتبہ 40اراکین پارلیمنٹ بشمول ڈپٹی لیڈر لیبر پارٹی نے کشمیر پر منعقدہ کانفرنس میں شرکت کی ہے۔کانفرنس میں رکن قانون ساز اسمبلی و چیرمین پبلک اکاؤنٹس کمیٹی عبدالرشید ترابی، کل جماعتی حریت کانفرنس کے سینئر رہنماء الطاف احمد بٹ،رکن پارلیمنٹ و لیبرپارٹی کے ڈپٹی رہنماء و سابق برطانوی وزیر دفاع ٹوم واٹسن،رکن پارلیمنٹ جوناتھن ورڈ،رکن پارلیمنٹ لیام بائرن،رکن پارلیمنٹ شیریل جیلان،رکن پارلیمنٹ پاؤلا شریف،رکن پارلیمنٹ جوہن کرئیر، رکن پارلیمنٹ لیزا فوربس،
رکن پارلیمنٹ سٹیومیک کابے،رکن پارلیمنٹ کیٹ ہولرن،رکن پارلیمنٹ سٹیو بیکر،رکن پارلیمنٹ روپا حق،رکن پارلیمنٹ ولیری واز،رکن پارلیمنٹ ٹریسی برابن،رکن پارلیمنٹ لیز میکلنس،رکن پارلیمنٹ عمران حسین،رکن پارلیمنٹ افضل خان،رکن پارلیمنٹ تمنجیت سنگھ ڈہیسی، رکن پارلیمنٹ محمد یاسین،رکن پارلیمنٹ ناز شاہ،رکن پارلیمنٹ شبانہ محمود،رکن پارلیمنٹ روسی ڈفیلڈ،رکن پارلیمنٹ جوہن سپیلر،رکن پارلیمنٹ کولین فلیچر،رکن پارلیمنٹ رتھ سمیتھ،رکن پارلیمنٹ جم میک کاہون،رکن پارلیمنٹ جودتھ کمنز،رکن پارلیمنٹ کیری میک کارتھی،رکن پارلیمنٹ سٹیلا گریسی،رکن پارلیمنٹ راجر گاڈسف اور دیگر ارکان پارلیمنٹ شریک تھے اور اپنے اپنے خیالات کا اظہار کیا۔
