نیویارک /مظفرآباد (این این آئی) وزیراعظم آزادجموں وکشمیر راجہ محمد فاروق حیدرخان نے سیز فائر لائن پر ہندوستانی افواج کی جانب سے شہری آبادی پر فائرنگ سے پیدا ہونیوالی صورتحال کے تناظر میں فوری طورپر تمام محکمہ جات کو ہدایت کی ہے کہ کسی بھی ہنگامی صورتحال سے نمٹنے کے لیے ہمہ وقت تیار رہیں،لائن آف کنٹرول پر بزدل ہندوستانی افواج نہتے اور
معصوم شہریوں کی جان و املاک کو نشانہ بنا رہی ہیں گزشتہ روز فائرنگ کے واقعات میں بچی سمیت دو افراد کی شہادت اور متعدد زخمی ہونے پر اپنے ردعمل میں وزیر اعظم آزادکشمیر نے کہاکہ ہندوستانی فائرنگ سے شہید ہونے والے تمام افراد کو سرکاری اعزاز کے ساتھ دفنایا جائیگا لائن آف کنٹرول پر بسنے والے افراد کو کیمونٹی بنکرز،فرسٹ ایڈ پوسٹس کے قیام و رابطہ سڑکوں کی تعمیر و مرمت کے لیے130 ملین روپے فوری طور پر محکمہ لوکل گورنمنٹ کو منتقل کر دیے ہیں جبکہ حکومت پاکستان کی جانب سے بھی لائن آف کنٹرول کے لیے پیکج بجٹ میں شامل ہے جس پر جلد کام شروع ہو گا۔ وزیراعظم آزادکشمیر نے ہدایت کی کہ تمام محکمہ جات کسی بھی ہنگامی صورتحال میں عوام الناس کی سہولت کے لیے الرٹ رہیں بالخصوص لائن آف کنٹرول کے نزدیکی علاقوں میں خصوصی انتظام کیا جائے۔وزیراعظم آزادکشمیر نے ہدایت کی کہ تمام محکمہ جات کسی بھی ہنگامی صورتحال میں عوام الناس کی سہولت کے لیے الرٹ رہیں بالخصوص لائن آف کنٹرول کے نزدیکی علاقوں میں خصوصی انتظام کیا جائے۔
