ریاض/دوحہ(این این آئی)خلیجی ریاست قطر کی حکومت کی طرف سے اپنے شہریوں کی حج رجسٹریشن روکنے کے لیے سعودی عرب کی سابقہ آن لائن رجسٹریشن ویب سائیٹ بلاک کیے جانے کے بعد سعودی حکومت نے خادم الحرمین الشریفین اور ولی عہد شہزادہ محمد بن عبدالعزیز کی ہدایت پرایک نیا پلیٹ فارم تیار کیا ہے۔عرب ٹی وی کے مطابق قطری عازمین حج کی رجسٹریشن کے لیے سعودی عرب کی حکومت کی طرف سے پلیٹ فارم فراہم کیا
ہے۔اس سے قبل قطری حکومت نے ملک میں موجود شہریوں کو دستیاب آن لائن حج رجسٹریشن سروس کے لنک تک رسائی روک دی تھی جس کے نتیجے میں قطری عازمین حج کو رجسٹریشن کے لیے مشکلات کا سامنا کرنا پڑا تھا۔سعودی عرب کی حکومت کی طرف سے جاری کردہ ایک بیان میں قطری عازمین حج کے لیے ہرممکن سہولت فراہم کرنے کا اعلان کیا گیا ہے۔ سعودی عرب نے قطر کی عازمین حج کے معاملے میں مداخلت کی مذمت کرتے ہوئے حج جیسی عظیم عبادت کو سیاسی رنگ دینے کا الزام عایدکیا ہے۔
