تیونس سٹی (این این آئی)تیونس میں سکیورٹی فورسز نے قفصہ ریاست کے پہاڑی علاقے عرباطہ میں دہشت گردوں کے خلاف آپریشن شروع کیا ہے جس میں 22 شدت پسند ہلاک ہوگئے ۔غیرملکی خبررساں ادارے کے مطابق تیونس کے نیشنل گارڈ کے ترجمان کرنل حسام الدین الجبابلی نے بتایا کہ سیکیورٹی فورسز نے دہشت گردوں کے خلاف جبال عرباطہ میں ایک آپریشن شروع کیا ہے جس میں اب تک22 جنگجو ہلاک اور 42زخمی ہوگئے ۔
ذرائع کا کہنا تھا کہ دہشت گردوں کے خلاف آپریشن جاری ہے۔خیال رہے کہ جولائی میں ایک فوٹیج سامنے آئی تھی جس میں ‘داعش’ سے وابسطہ جنگجووں کو ابو بکر البغدادی کی غائبانہ بیعت کرنے کے ساتھ تیونس میں دہشت گردانہ حملوں کا اعلان کیا تھا۔تیونس کے عبوری صدر محمد الناصر نے جمعہ کے روز ہنگامی حالت میں مزید اہک ماہ کی توسیع کردی تھی۔ ہنگامی حالت آج 4 اگست سے دو ستمبرتک جاری رہے گی۔
