طرابلس (این این آئی )لیبیا میں جنرل خلیفہ حفتر کی فوج اور قومی وفاق حکومت کی فورسز کے درمیان طرابلس میں گھمسان کی لڑائی جاری ہے۔ جنرل حفتر کی فوج کے ترجمان میجر جنرل احمدالمسماری نے کہا ہے کہ طرابلس کا گھیراؤ کرلیا گیا ہے اور فوج سات محاذوں سے

دارالحکومت پر حملہ آور ہے۔ طرابلس کو دہشت گردوں سے آزاد کرانے کے لیے چوبیس گھنٹے کی بنیاد پر آپریشن جاری ہے۔میڈیارپورٹس کے مطابق ایک پریس کانفرنس سے خطاب میں جنرل المسماری کا کہناتھا کہ بری فوج سات محاذوں سے طرابلس کی طرف پیش قدمی کررہی ہے۔اطلاعات کے مطابق دارالحکومت طرابلس میں عین زارہ اور تاجورہ کے مقامات پر لڑائی جاری ہے۔ ترجمان کا کہنا تھا کہ ان دونوں مقامات پر سرکاری فوج شہری آبادی میں بہتر انداز میں پیش قدمی کررہی ہے۔ ان کا کہنا تھا کہ ان علاقوں میں شہریوں کے خلاف کسی غیرقانونی کارروائی کاکوئی ثبوت نہیں ملا ہے ورفوج شہری آبادی کو مکمل تحفظ فراہم کررہی ہے۔جنرل خلیفہ حفتر کی فوج صلاح الدین اور ہوائی اڈے کی اطراف سے بھی پیش قدمی جاری ہے۔ توقع ہے کہ جلدہی طرابلس کے شدت پسندوں کی مرکزی سپلائی لائن کاٹ دی جائے گی۔جنرل المسماری نے مزید کہا کہ سرکاری فوج نے طرابلس میں دہشت گردوں کیٹھکانوں پر کامیاب حملے کیے اور عسکریت پسندوں کے اسلحہ کے کئی ذخائر تباہ کردیے گئے۔

موضوعات:لیبیا،خلیفہ حفتر،جنرل احمد المسماری،طرابلس،فائزالسراج