قاہرہ(این این آئی) امریکہ سے نشریات پیش کرنیوالے ڈسکوری چینل نے پہلی بار مصر کے مشہور بادشاہ فرعون کا تابوت کھول کر اس کی لاش کو براہ راست دکھانے کا فیصلہ کیا ہے۔ فرعون کی لاش براہ راست دکھانے کے عمل میں ایک مصری عہدیدار ڈسکوری چینل کی معاونت کریں گے۔
ڈسکوری چینل کے ترجمان نے انکشاف کیا کہ فرعون کے تابوت کے مقام کا انکشاف فروری 2018ء میں کیا گیا تھا۔ یہ تابوت جنوبی قاہرہ کے علاقے المنیا سے ملا ہے۔فرعون کے تابوت کو ڈسکوری چینل کے پروگرام اکسپیڈیشن آنوون،ایڈ جپٹ لائف میں اتوار کی شام براہ راست دکھایا جائے گا۔مصر کی سپریم برائے آثارقدیمہ کی طرف سے ڈسکوری چینل کے دعوے پر کوئی تبصرہ نہیں کیا تاہم ڈسکوری چینل کا کہنا تھا کہ مصری آثار قدیمہ کے سیکرٹری جنرل مصطفی وزیری بھی پروگرام میں شرکت کریں گے۔امریکی ٹی وی چینل کے مطابق فرعون کی لاش دکھانے کے پروگرام میں مصری وزارت آثار قدیمہ کی طرف سے تعاون فراہم کیا جائے گا۔مصری آثار قدیمہ کے ماہر زاھی حواس نے ایک بیان میں فرعون کی لاش ڈسکوری چینل پر دکھانے کو غیر معمولی واقعہ قرار دیتے ہوئے کہا کہ کہ فرعون کا تابوت کھولے جانے سے مصر میں سیاحوں کی آمد میں اضافہ ہوگا۔
