ریاض(این این آئی)مملکت میں بے روزگار سعودیوں کی شرح کم ہو کر12.7فیصد رہ گئی۔گزشتہ سہ ماہی میں یہ شرح 12.8فیصد تھی۔ ملازمت پیشہ خواتین کی تعداد میں 20.2فیصد اضافہ ریکارڈ کیا گیا۔سعودی ٹی وی کے مطابق سعودی ادارہ شماریات نے 2018کی چوتھی سہ

ماہی سے متعلق لیبر مارکیٹ کے اعداد و شمار جاری کر کے بتایا کہ سعودی نوجوانوں میں بیروزگاری کی شرح 6.6فیصدتک پہنچ گئی۔ 2018ء کی چوتھی سہ ماہی میں بیروزگار خواتین کی شرح 32.5فیصد ریکارڈ کی گئی۔ 15برس اور اس سے زیادہ عمر کے سعودی شہریوں میں بیروزگاری کی اوسط شرح میں ٹھہرا?آیا ہے۔ یہ 2018ء کی چوتھی سہ ماہی میں 6.0فیصد ہو گئی۔ آخری سہ ماہی کے اعداد و شمار کے مطابق ملازمت پیشہ سعودیوں کی مجموعی شرح 42.0فیصد تک پہنچ گئی۔سعودی خواتین کی شرح 20.2فیصد ریکارڈ کی گئی۔ محکمہ شماریات ایسے سعودیوں کو بیروزگار مانتا ہے جو وزارت شہری خدمات کی ویب سائٹ ’’جدارہ و ساعد‘‘فروغ افرادی قوت فنڈ (طاقات) پرروزگار کی تلاش کیلئے اندراج کرائے ہوئے ہوں۔ محکمہ شماریات ایسے سعودی حضرات و خواتین کو بیروزگار نہیں تسلیم کرتا جو دفاتر کے ریکارڈ میں روزگار کے متلاشی کی حیثیت سے اپنے ناموں کا اندراج کرائے ہوتے ہیں۔ یہ لوگ بیروزگار نہیں ہوتے بلکہ متبادل روزگار کی تلاش میں سرگرداں ہوتے ہیں۔