ماسکو(این این آئی)روسی وزارت خارجہ نے سربیا کی اپوزیشن پر الزام لگایا ہے کہ وہ بلقان کی اس ریاست میں اپنے مظاہروں کے ذریعے تشدد کو ہوا دینے کی کوششیں کر رہی ہے۔ غیرملکی خبررساں ادارے کے مطابق روسی وزارت خارجہ کے ایک ترجمان نے جاری بیان میں کہاکہ سربیا میں ویک اینڈ پر ہونے والے مظاہروں پر انہیں تشویش ہے ۔ ان مظاہروں کے دوران

ہزارہا شہریوں نے سرب صدر وْوچچ کی رہائش گاہ کے سامنے احتجاج کرتے ہوئے ملک میں میڈیا کے لیے زیادہ آزادی اور نئے اور غیر جانبدارانہ انتخابات کے انعقاد کا مطالبہ کیا تھا۔ یہ مظاہرین کچھ دیر کے لیے دھاوا بول کر دارلحکومت بلغراد میں سرکاری ٹیلی وژن کی عمارت میں بھی داخل ہو گئے تھے۔ سربیا کے موجودہ حکمران روس کے سیاسی اتحادی ہیں۔

موضوعات:روسی وزارت خارجہ