اسلام آباد (این این آئی) مختاراں مائی نے دشمن کے بچوں کو اپنے سکول میں داخل کر لیا ۔ نجی ٹی وی کے مطابق غیر ملکی میڈیا کو انٹرویو دیتے ہوئے مختاراں مائی نے انکشاف کیا کہ ان کے اسکول میں ان کے مجرموں کے بچے بھی زیر تعلیم ہیں۔انہوں نے کہا کہ بچوں کے والدین تو نہیں آتے لیکن ان کے دیگر رشتہ دار بچوں کی تعلیمی سرگرمیوں کے

متعلق جاننے آتے ہیں۔مختاراں مائی کا کہنا ہے کہ میں پیچھے نہیں ہٹوں گی اور انصاف کے لیے ہمیشہ اپنی جنگ جاری رکھوں گی۔انہوں نے کہا کہ عدالت میں میرا کیس دوبارہ شروع ہونے پر ایک طرف خوشی ہے تو ایک طرف فکرمندی بھی ہے۔واضح رہے کہ مختاراں مائی کو 2002ء میں پنچائیت کے حکم پر اجتماعی زیادتی کا نشانہ بنایا گیا تھا۔