صنعاء(این این آئی)یمن کے وزیر اطلاعات معمر الاریانی نے امریکا سے مطالبہ کیا ہے کہ وہ یمنی شہریوں کے خلاف مرتکب تمام جرائم کی بنیاد پر حوثی ملیشیا کو ایک دہشت گرد تنظیم قرار دے۔یمن کی سرکاری خبر رساں ایجنسی کے مطابق الاریانی نے نہتے اور بے قصور شہریوں کے خلاف باغی ملیشیا کے جرائم کو اجتماعی نسل کشی قرار دیا۔ یمن میں امریکی سفیر میتھیو ٹولر سے ملاقات کے دوران یمنی وزیر اطلاعات کا کہنا تھا کہ حوثی

ملیشیا سویڈن معاہدے پر عمل درامد سے بھاگ رہی ہے۔ اس کے نتیجے میں معاہدے کی کامیابی کی امیدیں دھندلا رہی ہیں۔ انہوں نے باور کرایا کہ حوثی باغی امن عمل میں سنجیدہ نہیں ہیں۔دوسری جانب امریکی سفیر نے زور دے کر کہا کہ ایران یمن کو غیر مستحکم کرنے کی کوشش میں حوثی ملیشیا کو مسلسل سپورٹ فراہم کر رہا ہے۔ٹولر کے مطابق انارکی اور شورش کو بڑھانے کے لیے حوثیوں اور القاعدہ کے درمیان رابطے جاری رہنے کا امکان ہے۔

موضوعات:یمن،امریکا،دہشت گرد تنظیم،معمرالاریانی،حوثی ملیشیا