ریاض(آئی این پی) سعودی سیکیورٹی پروگرام ڈیزائن کرنے والی کمپنی سیمنٹیک نے بتایا ہے کہ 2برس تک منظرسے غائب رہنے کے بعد شمعون وائرس ایک بار پھر زیادہ قوت کے ساتھ سعودی عرب اور مشرق وسطی کو ہدف بنانے لگا۔ جمعرات کو بین الاقوامی خبر رساں ادارے کی جاری کردہ تفصیلات کے مطابق مذکورہ کمپنی کا کہناہے کہ یہ وائرس سینٹرل آپریشن سسٹم پر حملہ آور ہوتا ہے او رسسٹم میں موجود تمام فائلوں کو صاف کردیتا

ہے۔ کمپنی کا کہناہے کہ شمعون وائرس نے اٹلی کی آئل سروس کمپنی سائبم کو نشانہ بناکر 100کمپیوٹر تباہ کردیئے۔ یہی وائرس سعودی عرب اور امارات کے مختلف اداروں پر بھی حملہ آور ہوچکا ہے۔ یہ تیل اور گیس کے شعبوں میں کام کرنے والی 2 کمپنیوں کو ٹارگٹ کرچکا ہے۔ دریں اثناامریکی قومی سلامتی ایجنسی نے 2017میں خبردار کیا تھا کہ ایران سعودی اور امریکی کمپنیوں سمیت متعدد ممالک کے خلاف سائبر حملے جاری رکھے ہوئے ہے۔