تہران (این این آئی)ایران کے مغربی صوبے کرمان شاہ میں 6.3 کی شدت کا زلزلہ آیا ہے اور ا س کے جھٹکے پڑوسی ملک عراق کے دارالحکومت بغداد میں بھی محسوس کیے گئے ۔غیرملکی خبررساں ادارے کے مطابق امریکا کے ارضیاتی سروے میں بتایاگیاکہ زلزلے کی گہرائی 65 کلومیٹر تھی اور یہ اتوار کی شب صوبہ کرمان شاہ کے شہر سرپل ذہاب کے نزدیک واقع علاقے میں آیا ۔یہ شہر عراق کی سرحد کے نزدیک واقع ہے۔ایران کے سرکاری ٹیلی ویڑن نے اطلاع دی کہ ریکٹر اسکیل پر اس زلزلے
کی شدت 6.4 تھی۔اس زلزلے سے نقصانات کا اندیشہ ظاہر کیا گیاہے۔ مابعد زلزلہ بھی مختصر دورانیے کے چار شدید جھٹکے محسوس کیے گئے ۔صوبہ کرمان شاہ کے اسی علاقے میں نومبر 2017ء میں بھی شدید زلزلہ آیا تھا۔ریکٹر اسکیل پر اس زلزلے کی شدت 7.3 تھی۔اس کے نتیجے میں 620 افراد ہلاک ہوگئے تھے۔اس زلزلے سے ہمسایہ ملک عراق میں بھی آٹھ افراد مارے گئے تھے۔ کرمان شاہ ہی میں اس سال جولائی میں 5.9 کی شدت کے زلزلیکے نتیجے میں کم سے کم 130 افراد زخمی ہوگئے تھے۔
