بیجنگ(آئی این پی)امریکہ نے ایران سے متعلق تیل پابندیوں کی فہرست سے چین اور بھارت سمیت 8ممالک کو پابندیوں سے مستثنیٰ قرار دیدیا ہے ۔ جس کے تحت چین اور دیگر ممالک اسلامی جمہوریہ ایران سے تیل کی خریداری جاری رکھ سکتے ہیں۔چینی ٹیلی ویڑن ‘سی سی ٹی وی’ کے مطابق،چین،ایرانی تیل خریدنے والا سب سے بڑا ملک ہے جسے امریکی پابندیوں سے چھوٹ مل گئی ہے۔اس میں رپورٹ کہا گیا ہے کہ چین سمیت8 ممالک امریکہ سے استثنی لینے کے واسطے ایران سے تیل کی خریداری کو جاری رکھ سکتے ہیں۔رپورٹ کے مطابق اٹلی، جنوبی کوریا،

جاپان، یونان، ترکی،بھارت،چین اور تائیوان تیل کے شعبے میں ایران کے ساتھ لین دین میں آزاد ہیں۔یہ بات قابل ذکر ہے کہ چین نے گزشتہ واضح طور پر اعلان کردیا ہے کہ وہ ایران مخالف امریکی پابندیوں کی پرواہ کئے بغیر اسلامی جمہوریہ ایران کے ساتھ باہمی تعاون کو جاری رکھے گا۔دفترخارجہ کی ترجمان ہوا چْن ینگ نے ارنا نیوز ایجنسی کے نمائندے کے سوال کا جواب دیتے ہوئے کہا کہ چین کو امریکی پابندیوں کی کوئی پرواہ نہیں۔انہوں نے اس بات پر زور دیا کہ بیجنگ اور تہران کے درمیان معاشی شعبے میں تعاون کا سلسلہ جاری رہے گا۔