کابل(انٹرنیشنل ڈیسک)افغانستان میں امریکی فوج کی اندھا دھند فائرنگ سے خواتین اور بچوں سمیت 45عام شہری جاں بحق جب کہ متعدد زخمی ہو گئے، امریکی بمباری سے ایک مسجد مکمل شہید اور پٹرول پمپ تباہ ہو گیاجب کہ کئی مکانات اور ٹرانسپورٹ کو کو شدید نقصان پہنچا۔ بین الاقوامی ذرائعکا کہنا ہے کہ افغانستان میں امریکی فوج کی اندھا دھند فائرنگ سے خواتین اور بچوں سمیت 45عام شہری جاں بحق جبکہ
متعدد زخمی ہو گئے ہیں۔ امریکی بمباری سے ایک مسجد مکمل شہید اور پٹرول پمپ تباہ ہو گیاجب کہ کئی مکانات اور ٹرانسپورٹ کو کو شدید نقصان پہنچا ہے۔تفصیلات کے مطابق افغانستان میں امریکی فوج کی بمباری سے45 افراد جاں بحق اور متعدد زخمی ہوگئے جب کہ حملے میں ایک مسجد بھی شہید ہوئی جبکہ کئی گھروں، گاڑیوں اور ایک پٹرول پمپ کو بھی تباہ کر دیا گیا۔میڈیا رپورٹس کے مطابق امریکی طیاروں نے صوبہ پکتیا میں بمباری کی جس سے بھاری جانی ومالی نقصان ہوا ہے۔ امریکی فوج نے ضلع زرمت میں بمباری کی جبکہ اس دوران زمینی امریکی فوج نے بھی کارروائی کی۔عینی شاہدین کے مطابق امریکی فوج نے شملزئی گاں میں عام شہریوں کے گھروں پرشدید بمباری کی جس کے نتیجے میں خاصدارنامی شخص کا مکان مکمل طور پرتباہ ہوگیا اور وہاں موجود18افراد جن میں اکثریت خواتین اور بچوں کی تھی جاں بحق ہوگئے۔بمباری کے بعد جب علاقہ مکین لوگوں کو ملبے سے نکالنے کیلئے وہاں پہنچے تو امریکی طیاروں نے پھر بمباری کردی جس مزید افراد جاں بحق ہوگئے۔
