بیجنگ(آئی این پی)چین نے نئی حیران کن لیزر ’زی کے زی ایم 500 ‘رائفل ایجاد کر لی، گن لیزر کی مدد سے کسی فرد کے جسم میں آگ بھڑکا سکتی ہے،گن کا وزن 3کلوگرام ہے، ری چارج ایبل لیتھیم بیٹریز کی مدد سے 2 سیکنڈ میں ایک ہزار فائر کئے جا سکتے ہیں۔ بین الاقوامی میڈیا کے مطابق چین میں ایسی لیزر گن تیار کی گئی ہے جو ملزمان کے جسموں میں آگ بھڑکا سکتی ہے۔

جی ہاں واقعی سائنسدانوں نے لگتا ہے کہ اسٹار وار سیریز میں دکھائی جانے والی رائفلوں کو حقیقی شکل دیتے ہوئے ایسی پروٹوٹائپ لیزر رائفل تیار کی ہے جو دیکھنے میں اے کے 47 جیسی ہے اور اسے زی کے زی ایم 500 کا نام دیا گیا ہے۔ساتھ چائنا مارننگ پوسٹ کے مطابق اس رائفل دیگر سے اس لیے مختلف ہے کیونکہ یہ لیزر کی مدد سے کسی فرد کے جسم میں آگ بھڑکا سکتی ہے۔اس لیزر کی مار (800میٹر)لگ بھگ آدھا میل تک ہوگی اور رائفل کے ذریعے ہدف کے کپڑوں اور جلد کو جلایا جاسکتا ہے، اگر کپڑے آگ پکڑنے والی میٹریل سے بنے ہوں۔رپورٹ میں مزید بتایا گیا کہ اس ہتھیار کا وزن 3 کلو گرام ہے، جس ری چارج ایبل لیتھیم بیٹریز لگائی گئی ہیں جو کہ 2 سیکنڈ میں ایک ہزار فائر کرنے میں مدد دیتی ہیں۔ان تمام تر خوفناک تفصیلات کے باوجود اس ہتھیار کو سائنسدانوں نے ‘ غیر مہلک’ قرار دیتے ہوئے کہا کہ اس لیزر رائفل کے فائر کے اثرات کسی گن جیسے نہیں ہوتے۔چینی فوج اور پولیس کے لیے اس رائفل کی بڑے پیمانے پر پروڈکشن جلد شروع کی جائے گی، تاہم ابھی تک سائنسدانوں کو لائسنس پارٹنر نہیں مل سکا ہے۔