قاہرہ(این این آئی) مصری پولیس نے ایک ٹن350کلو ہیروئن اسمگل کرنے والے 5پاکستانیوں کو گرفتار کرلیا۔ وہ سفاجا بندرگاہ کے قریب ایک ایرانی کشتی میں منشیات لے جارہے تھے۔عرب ٹی وی کے مطابق مصری پولیس نے بتایا کہ تمام پانچ ملزمان کو الغردقہ عدالت میں پیش کیا گیا جس نے گرفتار شدگان کو 15دن کے ریمانڈ پر جیل بھجوادیا گیا۔ مصری محکمہ انسداد منشیات کو اطلاع ملی کہ بحیرہ احمر کے قریب

ایک بین الاقوامی گروہ منشیات اسمگل کرنے کی کوشش کر رہا ہے۔ اطلاع ملنے پر ٹیم تشکیل دی گئی جس نے مصر کے علاقائی میں ایک ایرانی کشتی کا سراغ لگایا۔ اس پر5پاکستانی سوار تھے اور ان کے پاس ایک ٹن350کلو ہیروئن تھی۔ ضبط شدہ منشیات کی قیمت 10بلین مصری پاونڈ ہے۔مصری میڈیا میں اس سمگلنگ کی واردات کو مصر کی تاریخ کی سب سے بڑی سمگلنگ کی واردات قراردیاجارہاہے۔