نئی دہلی(آن لائن)بھارتی سپریم کورٹ نے ہائی کورٹ کے فیصلے کو برقرار رکھتے ہو ئے داؤد ابراہیم کی تمام املاک کوضبط اور جائیداد کی قرقی کا حکم برقرار کر دیا ہے۔بھارتی نشریاتی ادارے کے مطابق داؤد ابراہیم کی والدہ امینہ بی اور بہن حسینہ ابرہیم پارکر کے وکیل کی جانب سے دہلی ہائی کورٹ کے فیصلے کیخلاف سپریم کورٹ میں اپیل دائر کی گئی،در خواست میں موقف اختیار کیا گیا کہ مذکورہ جائیداد اور املاک ان کی ذاتی جائیداد ہے،داؤد ابراہیم سے اس
کا تعلق نہیں، املاک کی ضبطی اور جائیداد کی قرقی غیر قانونی ہے،غیر قانونی اقدام سے انتظامیہ کو روکا جائے،عدالت کے جج آر کے اگروال نے داؤد ابراہیم کی والدہ امینہ بی اور بہن حسینہ ابراہیم پارکر کے وکیل کے موقف کو تسلیم نہیں کیا ،عدالت کا فیصلے میں کہنا تھا کہ املاک اور جائیداد داؤد ابراہیم سے حاصل کی گئیں،سپریم کورٹ نے دہلی ہائی کورٹ کے فیصلے کو برقرار رکھتے ہو ئے مرکزی حکومت کو حکم دیا کہ دایود ابراہیم کی تمام املاک و جائیداد ضبط کر لی جائیں
