اسلام آباد(مانیٹرنگ ڈیسک)بھارت میں  باپ  نے موبائل پر نازیبا ویڈیوز دیکھنے پر بیٹے کا ہاتھ کاٹ ڈالا۔ یہ واقعہ بھارتی ریاست حیدر آباد  میں دو روز قبل پیش آیا۔پولیس کے مطابق محمد عبد القیوم نامی  شخص نے با رہا اپنے 19 سالہ بیٹے خالد کو موبائل کے زیادہ استعمال بالخصوص غیر اخلاقی ویڈیوز دیکھنے سے خبردار کیا۔ ایک دن خالد اپنے موبائل پر ویڈیوز دیکھ ہی رہا تھا کہ اس کے والد نے اسے رنگے ہاتھوں پکڑ لیا۔ جیسے ہی عبد القیوم نے اپنے بیٹے کے ہاتھ سے موبائل  چھیننے

کی کوشش کی ، تب ہی خالد نے اپنے والد کے ہاتھ پر دانٹ کاٹا اور بھاگ گیا۔رات گئے گھر واپسی کے بعد بھی خالد نے موبائل پر ویڈیو دیکھنا شروع کر دی جس پر مشتعل عبد القیوم جو پیشے کے اعتبار سے قصائی ہے، نے اپنے بیٹے کا دایاں ہاتھ کاٹ دیا، بعد ازاں عبد القیوم نے خود کو پولیس کے حوالے کردیا۔خاندانی ذرائع کے مطابق خالد نہایت سست اور کاہل ہے سارا سارا دن فون پر گزارتا ہے۔پولیس نے خالد کے والد کے خلاف مقدمہ درج کر کے ملزم کو ریمانڈ پر جیل بھیج دیا۔

اس خبر کا حوالہ

موضوعات:بھارت