اسلام آباد(مانیٹرنگ ڈیسک)مسلمانوں کے مقدس ترین مقام مکہ مکرمہ میں مسجد الحرام میں خواتین کی تاش کھیلتے ہوئے تصاویر ، مسلمانوں میں غم وغصے کی لہر دوڑ گئی۔ تفصیلات کے مطابق مسلمانوں کے مقدس ترین مقام مکہ مکرمہ میں مسجد الحرام میں خواتین کی تاش کھیلتے ہوئے تصاویرسامنے آئی ہیں ۔ان تصاویر میں مبینہ طور پر مکہ مکرمہ کی مسجد الحرام میں کھینچی گئی خواتین کی
تصویر میں انہیں تاش کے پتے کھیلتے ہوئے دیکھا جاسکتا ہےبرقع میں ملبوس 4 خواتین فرش پر بیٹھی آرام سے تاش کے پتوں سے کھیل رہی ہیں۔تصویر سے اندازہ ہوتا ہے کہ اسے رات کے وقت میں کھینچا گیا، کیوں کہ خواتین کے ارد گرد لائٹیں جلتی ہوئی نظر آ رہی ہیں۔حیران کن بات یہ ہے کہ تصویر میں دیگر افراد کو احرام میں آتے جاتے دیکھا جاسکتا ہے، تاہم تاش کے پتے کھیلنے والی خواتین آرام سے اپنے کھیل میں مصروف دکھائی دیتی ہیں۔تصویر میں دیگر نقاب اور برقع پوش خواتین و احرام میں ملبوس مرد حضرات کو بھی فرش پر بیٹھا ہوا دیکھا جاسکتا ہے۔تاش کے پتے کھیلنے والی چاروں خواتین سیاہ رنگ کے برقع میں ملبوس ہیں، جس وجہ سے ان کے چہرے نہیں دکھائی دے رہے۔سب سے پہلے اس تصویر کو ’شبکت رصد‘ کی جانب سے شیئر کیا گیا، جس میں دعویٰ کیا گیا کہ یہ خواتین مسجد الحرام کے باہر ’کنگ فہد‘ گیٹ کے سامنے تاش کے پتے کھیل رہی ہیں۔’اخبارک الان‘ کی خبر میں بتایا گیا کہ تصویر وائرل ہونے کے بعد عرب دنیا میں غصے کے لہر دوڑ گئی، لوگوں نے تصویر میں نظر آنے والی خواتین کو ڈھونڈ کر سخت سزا دینے کا مطالبہ کیا۔اخبارنا الیوم نے بھی وائرل تصویر کے حوالے سے اپنی خبر میں بتایا کہ سوشل میڈیا پر سامنے آنے والی خواتین کی تصویر کے بعد عرب ممالک میں لوگوں میں غصہ پایا جارہا ہے۔
