اتوار‬‮ ، 27 اپریل‬‮ 2025 

برطانوی جریدےکو میلانیا ٹرمپ پر الزام لگانا بہت ہی مہنگا پڑ گیا

datetime 12  اپریل‬‮  2017
ہمارا واٹس ایپ چینل جوائن کریں

واشنگٹن (آئی این پی)امریکی خاتون اول میلانیا ٹرمپ نے برطانوی جریدے ڈیلی میل کے خلاف ہتک عزت کا مقدمہ جیت لیا جبکہ جریدے نے اپنے آرٹیکل پر معذرت کرتے ہوئے تقریبا 29 لاکھ ڈالر ہرجانہ ادا کرنے پر آمادگی ظاہر کردی۔برطانوی نشریاتی ادارے کی رپورٹ کے مطابق برطانوی جریدے ڈیلی میل نے گزشتہ برس امریکی انتخابی مہم کے دوران ایک مضمون شائع کیا تھا جس میں ڈونلڈ ٹرمپ کی تیسری اہلیہ میلانیا ٹرمپ کے

بطور ماڈل گزارے گئے وقت کے حوالے سے ‘نازیبا’ الزامات عائد کیے گئے تھے۔خیال رہے کہ 90 کی دہائی میں میلانیا ٹرمپ ٹاپ ماڈلز میں شمار ہوتی تھیں اور جریدے نے اپنے مضمون میں الزام عائد کیا تھا کہ جب میلانیا ٹرمپ ماڈل تھیں تو وہ ‘ماڈلنگ سے بڑھ کر خدمات’ فراہم کیا کرتی تھیں۔جریدے نے اس مضمون کو شائع ہونے کے بعد ہٹالیا تھا تاہم میلانیا ٹرمپ نے اس کا نوٹس لیتے ہوئے ڈیلی میل اخبار کے خلاف لندن اور اس کے آن لائن ورژن میل آن لائن کے خلاف امریکا میں ہتک عزت کا مقدمہ کردیا تھا اور 15 کروڑ ڈالر ہرجانے کا مطالبہ کیا تھا۔تاہم اب اخبار نے میلانیا ٹرمپ سے معذرت کرتے ہوئے 29 لاکھ ڈالر زرتلافی ادا کرنے پر آمادگی ظاہر کی ہے جس میں مقدمے کے اخراجات بھی شامل ہوں گے۔اخبار نے اپنے بیان میں کہا کہ ‘ڈیلی میل اس بات کا اعتراف کرتا ہے کہ اس نے میلانیا ٹرمپ پر الزامات عائد کیے تھے جو درست نہیں تھے۔اس سلسلے میں میلانیا ٹرمپ کے وکیل نے لندن کی عدالت میں موقف اختیار کیا کہ ‘ان الزامات سے میلانیا کی شخصیت اور وقار کو نقصان پہنچا۔میلانیا ٹرمپ نے اخبار کی جانب سے کی جانے والی معذرت اور زرتلافی کو قبول کرلیا ہے اور توقع ظاہر کی جارہی ہے کہ جلد نیویارک کی عدالت میں جاری مقدمے پر بھی باہمی سمجھوتہ طے پاجائے گا۔پرکشش شخصیت کی مالک 46 سالہ میلانیا امریکا کے 45 ویں صدر منتخب ہونے والے ڈونلڈ ٹرمپ کی تیسری بیوی اور ایک بچے کی ماں ہیں۔امریکہ کی خاتون اول بننے والی میلانیا ٹرمپ

26 اپریل 1970 کو سیونیکا میں پیدا ہوئیں، سیونیکا اب سلوانیہ میں موجود ہے مگر میلانیا کی پیدائش کے وقت وہ یوگوسلاویہ کا حصہ تھا، میلانیا کا پیدائشی نام میلانیجا کنواس ہے، مگر ماڈلنگ میں شہرت حاصل کرنے کے بعد انہوں نے اپنا نام میلانیا کناس رکھا۔میلانیا جب 17 سال کی ہوئیں تو فوٹو گرافر اسٹین جرکو نے انہیں رضاکارانہ فوٹوشوٹ کی پیشکش کی، جس کے بعد میلانیا کی خوبصورتی سے متاثر ہوکر اٹلی کی ماڈلنگ ایجنسی نے 18 سال کی عمر میں میلانیا کے ساتھ ماڈلنگ کا معاہدہ کیا۔میلانیا کی شہرت اس وقت بلندیوں پر پہنچی جب برطانوی فیشن میگزین جی کیو کے صفحہ اول پر میلانیا کی نیم برہنہ تصویر شائع ہوئیں، اگلے چند سالوں میں میلانیا نے امریکہ کا رخ کیا اور 1996 میں انہوں نے نیو یارک کو اپنا مسکن بنایا۔

موضوعات:

آج کی سب سے زیادہ پڑھی جانے والی خبریں


کالم



قوم کو وژن چاہیے


بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…