اسلام آباد (مانیٹرنگ ڈیسک)دبئی حکام نے غیر ملکی مزدوروں کے متروک رہائشی علاقے میں سرچ آپریشن کرتے ہوئے گٹروں میں چھپائی گئی روزمرہ استعمال کی اشیاءٹنوں کے حساب سے برآمد کرلیں۔ رپورٹ کے مطابق دبئی میونسپلٹی کے انوائرنمینٹل ایمرجنسی آفس کے انسپکٹروں نے محیصنہ کے علاقے میں 10 ایسے گٹر دریافت کئے ہیں جنہیں روز مرہ اشیاءذخیرہ کرنے کے لئے گوداموں کے طور پر استعمال کیا جارہا تھا اہلکاروں کا کہنا ہے کہ یہ گٹر منہدم کی گئی لیبر رہائشی عمارتوں کے علاقے میں واقع تھے، اور ان میں باورچی خانے کا سامان، کمبل، آلات اور قالین جیسی چیزیں رکھی گئی تھیں۔

میونسپلٹی کے انوائرنمینٹل ایمرجنسی آفس کے سربراہ محمد عباس البلوشی نے بتایا کہ برآمد کی گئی اشیاءکا مجموعی وزن تین ہزار کلوگرام سے زائد تھا اور انہیں قبضے میں لئے جانے کے بعد تلف کردیا گیا۔ ان کا مزید کہنا تھا کہ مین ہولز میں چھپائی گئی اشیاءکو پیک کرکے رکھا گیا تھا اور ان چیزوں کو مارکیٹ میں سپلائی کرنے کی تیاری کی جارہی تھی۔ دریں اثناءاہلکاروں نے ناقص سبزیاں، مچھلی اور گوشت مارکیٹ میںفراہم کرنے والی 45گاڑیوں کو بھی قبضے میں لے لیا۔ پکڑی گئی گاڑیوں کو تین ماہ تک بند رکھا جائے گا اور ان کے مالکان کو بھاری جرمانہ بھی کیا جائے گا، جبکہ آئندہ ایسے دھندے میں ملوث نہ ہونے کی یقین دہانی بھی لی جائے گی