ریاض(آئی این پی)سعودی عرب میںکار حادثے میں ٹریفک پولیس کے ڈپٹی ڈائریکٹر جنرل جاں بحق ہوگئے ۔سعودی میڈیا کے مطابق ٹریفک پولیس کے ڈپٹی ڈائریکٹر جنرل وصل اللہ الحربی ساحلی شہر جدہ سے مکہ مکرمہ جا رہے تھے کہ اس دوران میں ان کی کار حادثے کا شکار ہو گئی۔سینئر سعودی پولیس اہلکار نے اپنی زندگی شاہراہوں پر خطرناک انداز میں گاڑیاں چلانے والے ڈرائیوروں سے عام شہریوں کو بچانے کے لیے وقف کر رکھی تھی لیکن آج وہ خود سڑک کے الم ناک حادثے میں جان کی بازی ہار گئے ہیں۔ مرحوم چار ماہ قبل ہی اس عہدے پر تعینات کئے گئے تھے، اسے سے قبل وہ جدہ کے ڈائریکٹر ٹریفک کے طور پر خدمات سرانجام دے رہے تھے۔ وہ ٹریفک وارڈن کی حیثیت سے سعودی عرب کے مختلف علاقوں میں خدمات انجام دے چکے تھے۔