نئی دہلی(این این آئی)کلمہ توحید پڑھنے والے کو ہندو انتہا پسندوں نے نشانے پر رکھ لیا۔ بھارت میں انتہا پسندوں نے نومسلم نوجوان کو بے دردی سے قتل کردیا۔ بھارتی پولیس نومسلم نوجوان کے قاتلوں کو پکڑنے میں تاحال ناکام ہے۔بھارتی ٹی وی کے مطابق بھارت میں انتہا پسندوں نے نومسلم نوجوان کو بے دردی سے قتل
کردیا۔ کیرالہ سے تعلق رکھنے والے بھارتی نوجوان انیل کمار نے سعودی عرب میں قیام کے دوران مسلمانوں کی تعلیمات سے متاثر ہو کر اسلام قبول کیا اور اپنا نام فیصل رکھا۔ بھارت واپس جاتے ہی نو مسلم نوجوان کو انتہا پسندوں نے قتل کی دھمکیاں دینا شروع کردیں۔ فیصل کا کہنا تھا کہ وحدہ لاشریک پر ایمان لانے کے بعد دل میں کسی چیز کا خوف نہیں، اگر ہندو اسے قتل کرنا چاہتے ہیں تو کر گزریں۔بھارتی پولیس روایتی طور پر ابھی
تک ملزمان کا تعین کرنے میں ناکام ہے اور تاحال کسی کی گرفتاری بھی عمل میں نہیں لائی گئی۔نومسلم نوجوان کے رشتہ داروں کا کہناتھا کہ انتہا پسند فیصل کے تبلیغ اسلام سے ناخوش تھے۔
