نئی دہلی/اسلام آباد(آئی این پی) بھارتی میڈیا نے کہاہے کہ بھارتی حکومت نے 29ستمبر کو غلطی سے کنٹرول لائن پار کرنے والے بھارتی فوجی کی رہائی کیلئے پاکستانی حکومت سے رابطے کا فیصلہ کیاہے جبکہ پاک فوج بھارتی فوجی کے تحویل میں ہونے کا دعویٰ مسترد کرچکی ہے۔منگل کو بھارتی میڈیا کے مطابق مودی سرکار نے اپنے فوجی کی رہائی کیلئے
پاکستانی وزارت خارجہ سے رابطے کا فیصلہ کیا ہے،بھارتی میڈیا کا دعویٰ ہے کہ چندوبابولعل 29ستمبر کو غلطی سے کنٹرول لائن پار کرگیا تھا جبکہ بھارت نے اسی رو زآزاد کشمیر کے علاقوں میں سرجیکل سٹرائیکل سٹرائیک کا جھوٹا دعویٰ کرتے ہوئے نیا ڈرامہ رچایا تھا تاہم پاکستان اور پاک فوج نے اس دعوے کو بے بنیاد ، جھوٹا اور مضحکہ خیزقرار دیکر کہاتھاکہ بھارت مقبوضہ کشمیر میں عوام پر اپنے مظالم اور تشدد سے عالمی برادری کی توجہ ہٹانے کے لئے ایسے دعوے کررہاہے ۔اس حوالے سے میڈیا پر خبریں آئی تھیں کہ اسی روز ایل اوسی پار کرنے کی کوشش میں ایک بھارتی فوجی پکڑا بھی گیاہے تاہم بھارت نے کہاتھا کہ وہ غلطی سے سرحد پار کرگیا تھا اور وہ یہ معاملہ حکومت پاکستان کے ساتھ اٹھائے گی کیونکہ اس سلسلے میں دونوں ممالک کے درمیان معاہد ہ موجود ہے ۔ دوسری طرف پاک فوج اس سے قبل کئی مرتبہ بھارتی فوجی کے اپنی تحویل میں ہونے کا دعویٰ مسترد کرچکی ہے
