ماسکو / تہران (آئی این پی)روس نے اسٹرٹیجک اہمیت کے بمبار طیارے مغربی ایران کے شہر ہمدان کے ہوائی اڈے منتقل کر دیئے ۔ روسی ٹیلی ویژن کے مطابق اس اقدام کا مقصد ‘انتہا پسند مسلح افراد’ کو نشانہ بنانا ہے۔روسی ذرائع ابلاغ نے ٹی یو ۔22ایم تھری طرز کے اسٹرٹیجک طیاوں کو ایران کے ایک ہوائی اڈے پر کھڑے دکھایا گیا ہے۔ ایک ٹی وی رپورٹ کے مطابق روسی طیاروں کی ایران منتقلی کا مقصد حملے کے دوران طویل مسافت کو 60 فیصد تک کم کرنا ہے۔
ٹی یو ۔22ایم تھری اسٹرٹیجک طیاروں کا ہدف شام میں دہشت گردبتائے جاتے ہیں۔واضح رہے کہ شام میں حملوں کے لئے روس اپنے جنوبی علاقے میں واقع اوسیا شمالی ریپبلک کے فوجی اڈوں کو استعمال کر رہا ہے کیونکہ شام میں واقع حمیمیم ائر بیس اس طرز کے بھاری بھرکم اسٹرٹیجک جہازوں کی آمد ورفت کی متحمل نہیں ہو سکتی۔

موضوعات:ایران منتقل روسی بمبار طیارے شام