کابل(این این آئی) افغانستان کے پانچ صوبوں میں فورسرزکی کارروائیوں کے دوران،پانچ پاکستانیوں 31داعش جنگجوؤں سمیت 55طالبان ہلاک ہوگئے ،جھڑپوں میں چارپولیس اہلکار بھی ہلاک ہوئے جبکہ فورسزنے طالبان کی سات محفوظ پناہ گاہوں کوتباہ کردیااوران کے قبضے سے اسلحہ وگولہ بارود بھی برآمد کرلیاگیا،غیرملکی خبررساں ادارے کے مطابق افغان وزارت دفاع نے اتوار کو جاری کیے گئے ایک بیان میں بتایاکہ گزشتہ روز افغان فورسزنے ملک کے پانچ مختلف صوبوں میں آپریشن کرکے 55جنگجوؤں کو ہلاک کیا،ہلاک ہونے والوں میں پانچ پاکستانی بھی شامل ہیں جبکہ 31جنگجوداعش کے باقی مقامی طالبان تھے، صوبہ فرح کے نائب پولیس سربراہ محمد نعیم پوپل نے بتایا کہ جھڑپ میں 55 طالبان ہلاک ہوئے ،ضلع بلک میں افغان آرمی کے قافلے پرحملہ کیا گیا حملے میں چار پولیس اہلکار اور 12 طالبان ہلاک جبکہ حملے میں 9 دیگر طالبان زخمی بھی ہوئے۔ننگرہار میں پانچ پاکستانی طالبان سمیت 30جنگجومارے گئے ،افغان وزارت دفاع کے مطابق گزشتہ ہفتے مختلف جھڑپوں اور حملوں میں 49 سویلین مارے گئے ہیں اور 122 زخمی ہوئے۔ ۔خیال رہے کہ 2014ء میں امریکی سربراہی میں اتحادی فوجیں افغانستان چھوڑ دیں گی جبکہ افغان پولیس اور فوج آہستہ آہستہ عسکریت پسندوں سے لڑنے کی ذمہ داری لے رہی ہیں۔ اسی دوران طالبان نے بھی اپنے حملوں میں اضافہ کردیا ہے خاص کر ان علاقوں میں جہاں سے فوجیں جاچکی ہیں یا جانے کے عمل میں ہیں۔افغانستان کی ساڑھے تین لاکھ مضوط سیکورٹی فورسز کی ہلاکتوں میں تیزی سے اضافہ ہورہا ہے ۔