ماسکو(مانیٹرنگ ڈیسک) روس نے کہا ہے کہ ایران کے ایٹمی پروگرام کوخطرہ بنا کر پیش کرنے کا ڈرامہ اب نہیں چلے گا۔میڈیارپورٹس کے مطابق روس کے صدرپیوٹین نے ایران کے پرامن ایٹمی پروگرام کومغرب خصوصاً امریکا کی جانب سے خطرہ بنا کر پیش کیے جانے کے اقدام پر کڑی تنقید کرتے ہوئے کہا کہ وہم و گمان اور تصورات کی بنیاد پر ایٹمی پروگرام کوخطرہ بنا کر پیش کرنے کا مسئلہ ختم ہو چکا ہے۔ پیوٹین نے بیرون ملک تعینات روسی سفارتی مشن کے افسران اوراہلکاروں کے اجلاس سے خطاب کرتے ہوئے مشرقی یورپ میں امریکہ کے میزائل سسٹم کی تنصیب سے متعلق اقدام کوافسوسناک قرار دیا اور کہا کہ روس اس کا ضروری اور مناسب جواب دے گا۔ایران کے ایٹمی پروگرام کو محض اس لیے خطرہ بنا کر پیش کیا جا رہا تھا تاکہ امریکہ اس بہانے یورپ میں اپنے میزائل نصب کر سکے، ایٹمی خطرے کا ڈرامہ مزید نہیں چل سکتا۔