ہفتہ‬‮ ، 28 مارچ‬‮ 2026 

سعودی عرب میں بھی دم کیا ہوا پانی،زیتون کا تیل، تعویذ دکانوں پر بکنے لگے

datetime 7  جون‬‮  2016 |

الریاض(این این آئی)سعودی عرب میں دم کیا ہوا پانی،زیتون کا تیل بازاروں میں بکنے لگا ،عرب ٹی وی کے مطابق پڑھنے والے کو آب زمزم ، تیل یا زعفران کی بوتل پر محض اپنی چند سانسیں پھونکنا ہوتی ہیں۔ یہاں تک کہ یہ مصنوعات علاج کے لیے ایسی دوا میں تبدیل ہو جاتی ہیں کہ وہ دنیا بھر کے طبی تحقیق کے خصوصی مراکز کو عاجز کر دیتی ہیں۔ وہ مراکز جو جدید دور کے امراض کی دواؤں کی تیاری کے لیے دن رات ایک کر کے کامیاب تحقیق کے واسطے اپنے کام میں جْتے رہتے ہیں۔عام طور پر ہر دم کرنے والی کی اپنی پنساری کی دکان ہوتی ہے جس کی سعودی عرب کے اندر اور خلیجی ممالک میں بھی دیگر شاخیں ہوتی ہیں۔ پنساری کی دکانوں اور دم کرنے والوں کے میدان میں مقابلہ اس حوالے سے بڑھ رہا ہے کہ ہر کوئی ایسی مصنوعات دریافت کرنے میں مصروف ہے کہ ان کا احاطہ نہ کیا جاسکے۔ ان میں ڈپریشن اور وسوسے کا خاتمہ کرنے، خوف اور دہشت کے آثارکم کرنے، جن کو بھگانے اور جادو نکالنے کے مرکبات شامل ہیں۔بانجھ پن اور حمل میں تاخیر کے علاج کی بوٹی کے نام سے معروف دوا بھی ہے۔ اسی مقصد کے لیے شرعی تعویذ کا مرکب بھی ہوتا ہے جو روغن زیتون، زیرہ اور پسی ہوئی ہینگ سے تیار ہوتا ہے۔خریدار کو ایک ہی دکان پر مشہور قاریوں کے ناموں کے ساتھ جادو کے توڑ اور جن بھگانے کے لیے مختلف تعویذ مل سکتے ہیں۔ایک دکان پر دم کیے ہوئے پانی کی 5 ریال والی بوتل کے بارے میں معلوم کیا تو دکان کے ذمہ دار نے اثبات میں جواب دیتے ہوئے بتایا کہ ان قاری کی 100% ضمانت ہے۔ جو کوئی بھی ان کے تعویذ کا پانی پیتا ہے وہ اپنے حال میں بڑا فرق محسوس کرتا ہے۔

آج کی سب سے زیادہ پڑھی جانے والی خبریں


کالم



ایران کے لیے واحد آپشن


بوروڈینو (Borodino) ماسکو سے ایک سو تیس کلو میٹر دور…

ہیکل سلیمانی

اللہ تعالیٰ کا حضرت دائود ؑ پر خصوصی کرم تھا‘…

مذہب کی جنگ(آخری حصہ)

اسرائیل میں میرا ایک دوست رہتا ہے‘ عمویل مطات‘…

مذہب کی جنگ(پانچواں حصہ)

برطانیہ نے دوسری جنگ عظیم کے بعد دنیا میں دو خطے…

مذہب کی جنگ(چوتھا حصہ)

یہودیوں اور مسلمانوں کے درمیان اختلاف واقعہ…

مذہب کی جنگ(تیسرا حصہ)

بخت نصر نے 586 قبل مسیح میں یروشلم پر حملہ کر کے…

مذہب کی جنگ(دوسرا حصہ)

بنی اسرائیل نے فلسطین واپسی کے بعد یہودا قبیلے…

مذہب کی جنگ

رچرڈ نکسن امریکا کے 37ویں صدر تھے‘ یہ بھی ڈونلڈ…

اینڈ آف مسلم ورلڈ

ہمیں ایران امریکا جنگ کے نتیجے کو سمجھنے کے لیے…

عربوں کا کیا قصورہے؟

ایف 35 دنیا کا مضبوط اور مہلک ترین فائٹر جیٹ ہے‘…

اختتام کا آغاز

’’ہمارے پاس صرف 35 سال ہیں‘ ہم ان میں جتنا جی…