نیویارک(آئی این پی)امریکا میں صدارتی امیدوار کی دوڑ میں شامل ڈیموکریٹ پارٹی کی ہیلری کلنٹن نے ایک بار پھر ری پبلکن ڈونلڈ ٹرمپ کو پیچھے چھوڑ دیا ۔ رائے عامہ کے جائزے کے مطابق ہیلری کو 46اور ٹرمپ کو 35فیصد ووٹرز کی حمایت حاصل ہے ۔امریکا میں صدارتی امیدوار بننے کے ری پبلکن اور ڈیموکریٹ ۔خواہشمندوں کے حوالے سے کیے گئے۔ نئے سروے کے مطابق ہیلری کلنٹن کی مقبولیت میں ایک بار پھر اضافہ ہوا ہے اور ٹرمپ کی مقبولیت گر گئی ہے ۔سروے کے دوران ایک ہزار چار سو اکیس افراد سے رائے لی گئی۔ جن میں سے چھیالیس فیصد ووٹرز نے ہیلری کلنٹن اور پینتیس فیصد ووٹرز نے ڈونلڈ ٹرمپ کی حمایت کردی ہے ۔ اسطرح ہیلری کلنٹن گیارہ پوائنٹس کی برتری کے ساتھ ڈونلڈ ٹرمپ سے آگے ہیں ۔سروے کے مطابق انیس فیصد ووٹرز کا کہنا ہے کہ وہ ہیلری اور ٹرمپ دونوں کی حمایت نہیں کریں گے۔