منامہ(آئی این پی )خلیجی ملک میں جیل سے قیدی فرار،کھلبلی مچ گئی،دھڑا دھڑ چھاپے،خلیجی ریاست بحرین کی ایک جیل سے20 قیدی فرار ہونے میں کامیاب ہو گئے ، پولیس نے فرار ہونے والے چند قیدیوں کو دوبارہ گرفتار کر لیا ۔غیر ملکی میڈیا کے مطابق بحرین کی ایک جیل سے20 قیدی فرار ہونے میں کامیاب ہو گئے۔ یہ جیل بحرین کے جزیرے المشرق پر واقع ہے۔ الحد جیل سے فرار ہونے والے قیدیوں کے بارے میں یہ نہیں بتایا گیا کہ وہ عام مجرم تھے یا کوئی سیاسی قیدی۔ وزارتِ داخلہ کے مطابق پولیس نے فرار ہونے والے چند قیدیوں کو دوبارہ گرفتار کر لیا ہے۔ ملکی اخبار الخلیج کے مطابق فرار ہونے والے قیدیوں پر جیل کے عملے اور پولیس نے فائرنگ بھی کی، لیکن وہ ایک بس کو اپنے قبضے میں لے کر فرار ہونے میں کامیاب رہے۔ جیل کے عملے کے مطابق کئی قیدی بظاہر زخمی دکھائی دے رہے تھے۔ تاحال مفرور قیدیوں کی تلاش جاری ہے۔